Әлмәт туган якны йөрәнү музее

423450, Татарстан Республикасы, Әлмәт шәһ., Тынычлык ур., 1 йорт тел.: 8 (8553) 22-04-22, 22- 07-60 тел./факс: 8 (8553) 22-04-22

Дүшәмбе-җомга: 10:00-16:00 Шимбә: заявкалар буенча Якшәмбе: ял көне

Әлмәт шәһәре музее үз ишекләрен 1994 елда ача. Әлмәт шәһәренең 50 еллыгы алдыннан музейга 677,5 кв.м. мәйданлы иркен бина бирелә. Хәзер аның фондларында 6 490 берәмлек исәпләнә. Музей фондларында археологик табылдыклар, көнкүреш кирәк-яраклары, этнография, нумизматика, рәсемнәр, фоторәсемнәр, төрле документлар, декоратив-гамәли сәнгать эшләнмәләре, китаплар коллекцияләре саклана. Татар язучысы С. Сөләйманова (1926-1980 еллар) мемориаль комплексы – уникаль җыелма булып тора. Төп экспозиция район һәм шәһәрнең барлыкка килүе, үсеше турында сөйли. Яшь парлар очрашу һәм борынгы туй йолаларын үткәрү өчен Мактау залында «Барлык чорлар яшь парлары берләшегез» күргәзмәсе эшли. 2011 елда ачылган лекцияләр залы пресс-конференцияләр, лекция һәм башка чаралар оештыру урыны булып тора. «Тылсымлы остаханә» почмагында балалар кызыл балчыктан төрле әйберләр ясыйлар. Аеруча зур әһәмияткә ия коллекцияләр: ХIX гасыр ахыры – ХХ гасыр башы бизәнү әйберләре коллекциясе (14 саклау берәмлеге); ХХ гасыр урталары фотоаппаратлар коллекциясе (45 саклау берәмлеге); XVIII гасыр ахыры – ХХI гасыр башы нумизматика (акчалар) коллекциясе (679 саклау берәмлеге); ХХ гасыр – ХХI гасыр башы сәгатьләр коллекциясе (400 саклау берәмлеге), “Катюша” дивизиясенең беренче командиры Барый Йосыповның (1903-1983) шәхси әйберләре (23 саклау берәмлеге); Исмәгыйль Һидиятов эшләнмәләре (агач уеп кисү) коллекциясе (30 саклау берәмлеге); күкрәк билгеләре коллекциясе (15 саклау берәмлеге); уен кораллары коллекциясе (60 саклау берәмлеге); «Әлмәт» коры йөк машинасы әйберләре коллекциясе (37 саклау берәмлеге); кулдан ясалган буфетлар (3 саклау берәмлеге).