Апас туган якны өйрәнү музее

Татарстан Республикасы, 422350, Апас районы, Апас ш.т.б., Кызылармия ур., 97 йорт тел.: 8(843-76) 2-14-35

Дүшәмбе-җомга: 8.00-17.00 Шимбә – якшәмбе: ял көне

Музей 1961 елда Апас районы урта мәктәбе бинасында туган якны өйрәнүче энтузиаст, РСФСР атказанган укытучысы Мәсрурә Усманова инициативасы белән ачыла. Музейның рәсми тарихы 1991 елның 14 октябреннән башлана. Беренче көннәрендә мәктәпнең бер бүлмәсендә урнаша, соңрак мәдәният йортының икенче катына күчерелә. Музей фондлары район территоиясендә уздырылган экспедицияләр вакытында укучылар тарафыннан табылган әйберләр белән тулыланып тора. 2005 елда музей заманча бизәлгән, иркен, зур бүлмәле махсус бинага күчә. Атказанган музей эшлеклесе, туган якны өйрәнүче Ногманов Рәмис Госман улы җитәкчелеге астында эшли башлый. Музейның коллекциясе 10000 саклану берәмлек исәпләнә. Тарих белән кызыксынучылар өчен 7 даими эшләүче экспозиция бар: - археология һәм табигать залы; - революциягә кадәр чор; - татар авылы этнографиясе һәм йорт җиһазлары; - 1917-1940 еллар, НЭП, коллективизация һәм репрессия чоры; - Бөек Ватан сугышы 1941-1945 еллар; - районның танылган кешеләре; - типография һәм районның бүгенгесе. Музей тупланмасындагы уникаль экспонатлар: - 1,5 млн. ел элек безнең төбәктә яшәгән, хайваннар калдыгы (мамонт бәрмә-тешләре һәм балтыр сөякләре, йонлач мөгезборынның баш сөяге, бизон һ.б.). - Аммонит (киселгән) – 65 млн. яшь тирәсендәге молюск; - Дирхәмнәр – XIII гасырга караган Алтын Урда акчасы, - XIII-XIV гасыр ризык пешерә торган казан; - С. Садыкованың калфагы (татарларның милли баш киеме); - 1904 елгы америка фисгармониясе (уен коралы); - Сугыш кырларындагы эзләнүләрнең яңа табылдыклары (каска, крушка, дарулар һ.б.); - Сугыш еллары журналлары; - Деушев борынгы шәһәр урынында табылган (тауның көнчыгыш ягында) VI – XIV гасырга караган бөти-амулет (бүре казык теше).