«Ленино-Кокушкино» музей-тыюлыгы

ТР, Питрәч районы, Ленино-Кокушкино, Үзәк ур., 30 нчы йорт тел.: 8 (84367) 3-40-19, 3-41-32

Һәр көн: 09:00-17:00

2003 елда В.И. Ленинның Ленино-Кокушкино авылындагы музее базасында А.Д. Бланкның XIX йөз утары комплексын саклау максаты белән "Ленино-Кокушкино" дәүләт тарих-мәдәният музей-тыюлыгы оештырыла. Татарстан Республикасы Питрәч районында урнашкан. Гомуми мәйданы 7,6 га. Үз эченә А.Д. Бланкның ике катлы йортын, җәйге йортын, хуҗалык корылмаларын, агачлы паркны, декоратив куаклыкны, каенлыкны һәм төзекләндерү элементларын ала. Музей-тыюлыкта 10 хезмәткәр эшли. Бланклар һәм Ульяновлар гаиләсе яшәгән утар һәм төрле экспонатлар килүчеләрдә зур кызыксыну уята. Музей-тыюлык җыелмасыны составына барлыгы 677 экспонат керә. Аларның 20 се графика, 10 сын, 479 гамәли сәнгать, көнкүреш һәм этнография әйберләре, 15 документ, 86 фәнни-табигать әйберләре, 67 башка материаллар. 1986-1987 елларда музейны торгызу эшләре барышында туган үзгәрешләр В.И. Ленин музей-йортына яңа исем бирүгә сәбәп була. Музейның статусы үзгәрә. Хәзерге вакытта "Ленино-Кокушкино" ТР Дәүләт тарих-мәдәният музей-тыюлыгы" ДБМО статусына ия.