Мамадыш туган якны өйрәнү музее

422190, ТР, Мамадыш шәһ., Советлар ур., 12 «Б» йорт тел.: 8 (85563) 3-35-14

Һәр көн: :00-17:00 Көндезге аш: 12:00-13:00 Якшәмбе, дүшәмбе – ял көннәре

Мамадыш туган якны өйрәнү музее XIX гасырның икенче яртысында төзелгән архитектура һәм тарих һәйкәле булган бинада урнашкан. Музейга 1981 елда ТАССР атказанган мәдәният эшлеклесе, Бөек Ватан сугышында катнашкан Елизавета Михаил кызы Андронова тарафыннан нигез салына. Музейның мәйданы 195 кв.м. тәшкил итә. 2011 елда музей яңартыла һәм аның мәйданы 648 кв. метрга кадәр арта. 2015 елның февралендә С.И. Матвеев, атказанган сәнгать эшлеклесе, җитәкчелегендә яңа экспозиция төзү эшләре башлана. 2015 елның 9 маенда яңартылган музей үз ишекләрен ача. Музей фондларында 5323 саклау берәмлеге исәпләнә. Аларның 3275 берәмлеге төп фондта, 2048 берәмлек фәнни-ярдәмче фондта саклана. Музейда 10 зал бар: археология, этнография, сәүдәгәрләр, Беренче Бөтендөнья, гражданнар һәм рус-япон сугышлары, Бөек Ватан сугышы, Советлар Союзы чоры, хәзерге заман, балалар иҗаты, күргәзмәләр һәм Хәрби Дан залы. Сәүдәгәр К.Н. Щербаков коллекциясендәге экспонатлар (имәннән ясалган язу өстәле һәм ике көзге); этнография, нумизматика һәм археология әйберләре аеруча зур әһәмияткә ия.