Ютазы муниципаль районы Кәрәкәшле авылының С.Ш.Шәрәфиева исемендәге туган якны өйрәнү музее

423961, Ютазы районы, Кәрәкәшле авылы, Сирин Батыршин урамы, 36 йорт

Дүшәмбе – җомга : 7:30-14:30 Ял көне: шимбә, якшәмбе

Кәрәкәшле туган як тарихын өйрәнү музее 1987 елның 2 ноябрендә ачыла. 1993-2007 елларда ТР Дәүләт (Милли) музее филиалы булып тора. 2008 елның 1 гыйнварыннан – “Татарстан Республикасы Ютазы муниципаль районы мәдәният бүлеге” муниципаль учреждениесенең структур бүлекчәсе, 2010 елдан - муниципаль учреждение булып тора. 2009 елда музейга нигез салучы Шәрәфиева С. Ш. исеме бирелә. Экспонатлар саны 15 меңнән артык (шулардан 9 меңнән артыгы төп фондта, 6 меңнән артыгы фәнни-ярдәмче фондта) Музей хронологик тәртиптә җиһазландырылган. Эчтәлеге буенча түбәндәге төп бүлекләрдән тора: «Борынгы Кәрәкәшле», «Күмәкләштерү еллары», «Авыл 1941-1945 елгы Бөек Ватан сугышында”, «Авылның күренекле кешеләре». Һәр бүлек шул елларның материаллары һәм документлары белән җиһазландырылган. Коллекцияләр составы: нумизматика, язма чыганаклар, матди чыганаклар, рәсем сәнгате.