Туган якны өйрәнү музее (Баулы)

Татарстан Республикасы Баулы шәһәре, Һади Такташ урамы 19нчы йорт. тел.(факс) (85569) 5-21-95

Ирәнге сәгәт 8 дән кичке 17 сәгәткә кадәр Төшке аш: 12 дән 13 кадәр Ял көннәре: шимбә, якшәмбе.

Баулы туган якны өйрәнү музееның тарихы 1986 нчы елның январь аеннан башлана. Музей КПССның Баулы райкомы бюросының Баулы районында “Туган якны өйрәнү музеен” булдыру турындагы карар нигезендә ачылды. Музейны булдыру инициаторы ул вакыттагы райком секретаре Рахманкулов Ансель Мирзиевич булды. 1990 елга кадәр музей эше җәмәгатьчелек нигезендә алып барылды. Музейга экспонатлар туплауда коллективны 20 елдан артык җитәкләгән музейның директоры Раиса Михайловна Нурисламова зур эш башкарды. 1990 елның сентябрендә Татарстан Республикасы Мәдәният министырлыгы боерыгы нигезендә музей Татарстанның берләштергән Дәүләт Музееның филиалы булып эшли башлый. Ул 1996 елга кадәр экспозициялар алмашыну тәртибендә эшләде. 1996 елда музейда “Баулы- минем туган ягым” дигән беренче экспозиция ачыла һәм хәзерге көндә музейда булучыларга шәһәрнең һәм районның борынгыдан алып хәзерге көннәргә кадәр тарихы иң әһәмиятле бүлек булып кала. 1997 елда “Туган як тәбигате” дигән яңа бүлек ачыла . 2011 елдан музей-муниципаль бюджет учреждениясе «Туган якны өйрәнү музее” Баулы муниципаль районы Татарстан Республикасы. 2013 елның маеннан музей коллективы белән Бадуртинова Ирина Алексеевна җитәкчелек итә. Хәзерге көндә муниципаль бюджет учреждениясе «Туган якны өйрәну» музеенда 10 меңнэн артык төп фонд хэм 5 меңгэ якын фәнни-ярдәмлек фонды саклана. Тупланган фондлар берничә коллекцияга буленгән: ”Документлар”, ”Сирәк китаплар”, ”Нумизматика”, ”Этнография”, “Конкуреш әйберләре”, ”Техника тарихы”, ”Рәсем сәнгате”, ”Графика”, ”Скульптура”, ”Декаратив сәнгать” Һәм башкалар. Музей базасында куп кенә клублар хәм оешмалар эшли.