Туган якны өйрәнү музее (Иске Чүпрәле)

422470, РТ, Чүпрәле районы, Иске Чүпрәле авылы, Дзержинский урамы, 3-нче йорт Тел.: (84375) 2-24-87

С 8-30 до 17-00, тәнәфес 12-00 - 13-00 ял көне - якшәмбе

Чүпрәленең туган якны өйрәнү музее 1970 елда пионерлар йортындагы туган якның тарихын чагылдырган почмакны оештырудан башланды. 1990 елда музей өчен аерым бина бирелде. 1991-2000 еллар арасында ул Татарстан республикасының Милли музее филиалы булып исәпләнде. 2011 елның 1 январеннан ул Муниципаль бюджет учреждениесы статусын алды. 2013 елда музей район үзәгендәге элекке Агробанк бинасына күчерелде. Биредә яңа экспозицияләр булдыру максатында капиталь ремонт һәм реконстукция үткәрелде. Бинаның гомуми күләме 275 кв.м., аның 35 кв.м. күләмендә җәен төрле массовый чаралар үткәрү өчен төзекләндерелгән ишек алды бар. Музейда күренекле якташларыбыз турында мәгълүматлар, матди әйберләр тупланган. Алар арасында тарихчы-галим,җәмәгат һәм сәясәт эшлеклесе Һади Атласи; фронтовик-шагыйрь үз вакытында Татарстан язучылар берлеге рәисе, РСФСР язучылар берлеге сәркәтибе булган Зәки Нури; фронтовик-шагыйрь, Татарстан каләм әһелләреннән беренчеләрдән булып шигърияттә сонетлар жанрын үстерүдә өлеш кертүче Шәрәф Мөдәррис; Татарстанның халык артистлары Габдулла Рәхимкуллов, Һидият Солтанов; Россиянең һәм Татарстанның халык артисты, СССР дәүләт бүләге һәм Габдулла Тукай бүләге иясе Ринат Таҗетдинов; күренекле эзтабар-язучы Шамил Рәкыйпов; чуваш драматургиясенә нигез салучыНиколай Ефремов; драматург Анатолий Чебанов; шагыйрә Россиянең һәм Чувашиянең атказанган мәдәният хезмәткәре Валентина Тарават татар һәм чуваш халыклары тарихында рухи мирас тудырган башка күп күренекле шәхесләр бар.